2
 

İkinci Bölüm / Етlуанэ Пычыгъуэ

ЗЭХУЭМЫДЭНЫГЪЭ ЩЫlАХЭР

КЪЭЗЫГЪЭЛЪЭГЪУЭЖ ПСЭЛЪЭЖЬХЭР

 

******************************************************************

 

Атэкъынэр зи вэкъэпс, къэсыр зытеухь. (Атэкъынэгуэншэрыкъ лъэпс)●

Бацэжь и щlагъ лlыхъужь къыщlокl.●

●Бацэр ибэщ, бзур и бынщ. (Тхьэмыщкlэм, бын и куэдщ, жыхуиlэщ.)●

Бацэхэплъ нэплъэжыгъуэ егъуэт.●

Бгъэр бгъэкlэ ягъасэ, блымыр блымкlэ къагъуэт.●

Бей жей езэгъыркъым.●

●Бейм и хьэ удз ехъу.●

●Бейм я гугъу ящlурэ тхьэмыщкlэм я уэздыгъэ мэс.•

●Бжэн щlакъуэ тегушхуэгъуафlэщ.●

●Бжыхьэпэ уэфlрэ пщы lупэфlэгъурэ. (Туми дзыхь яхуэпщl хъунукъым,жыхуиlэщ.)●

●Бзу кхъуей фlэкlа ямыlэ щыlэкъым.●

●Бзум худрапхъей и унэ щlэлъкъым.●

●Вырэ цlэрэ зэпокъу.●

●Гуащэрэ пэт, къаз деху.●

●Данэр лъапэкlэ зэрехуэ. (Зэщыхуэпыкlауэ къэзыкlухь цlыхубзым хужаlэу щытащ.)●

●Делэр бейм я гуэшэгъущ. (Бейм здигъэгуэшэну щогугъу, жыхуиlэщ.)●

●Дунейр ижэнэтщ. (Тхъэуэ мэпсэу, жыхуиlэщ.)●

●Дунейр и хьэдрыхэщ.●

●Дымыгъуэкъым, дыгущэкъым, ди унэ щхьэ кlапэ дагъэкlэ дымыирэ? (Щыкlам ауаныщlу хужаlэ.)●

●Джатэрыпщ нэхърэ пщы lущабэ.●

●Жылэм я мыгъуэ я гъуощ.●

●Жьы къыщlэпщэркъым, псы къыщlэуэркъым.●

●Жьыр и гупэу мэпсэу. (Гугъехьым пэщlэту мэпсэу, жыхуиlэщ.)●

●Зэрабзыр иlэ щхьэкlэ къырабзэ иlэкъым.●

Зэрыгъэпщыркъым, зэрыгъатхъэркъым. (Лыфlыгъэ зэпэзыубыдаитым хужаlэ).●
Зэхуэдитl зэдзейщ.●

Зеиншэ шэгъуафlэщ.●

●Зи вакъэ зэврэ зи гъавэ мащlэрэ.●

●Зи деур мащlэм и духьэр кlэщщ.●

●Зи lэгу нэщlым и нэгу щlыlэщ.●

●Зимыlэм бдзы кlыхьри бдзы кlэщlри хуохъу.●

●Зимыlэххэ къызэщэри зил къыщэщ къызэтэщ.●

●Зипщ пэмылъэщ и фыз и табыщэгъущ. (И фызым ионыкъуэкъу, иозауэ, жыхуиlэщ.)●

●Зы выр шхэмэ, зы выр мэгурым.●

●Зы лlыр джэдыгуибгъурэ либгъур джэдыгуншэу.●

●Зы хьэнэф зы хьэнэф и пщыжщ.●

●Зылъэмыкl lэфракlэ и lыхьэщ.●

●Зым и мыгъуэ, зым и махуэщ.●

●Зыхуащlэ нэхърэ зыщlэф.●

●Зыхуэхъур быхъуу мэтыс.●

●И дунейр дэгъэзеигъуэу ехь. (Гугъу ехьу мэпсэу, жыхуиэщ.)●

●И дзыгъуэ лъынэ къокl. (Хуэщlауэ, тхъэуэ мэпсэу, жыхуиlэщ.)●

●И кlэтий и вакъэпсу мэпсэу.●

●И мэлыхъуэ баш пкlэм дридзеижащ. (И мылъкур lэщlэкlуэдэжащ, жыхуиlэщ.)●

●И хьэри и кхъуэри зэрошх. (Гукъеуэншэу, тхъэуэ мэпсэу, жыхуиlэщ.)●

●И щэ и ныбэ ихуэжыркъым.●

●И щэ къовэ.(Къулейм хужаlэ.)●

●Ибэ бэшэкlщ.●

●Изрэ ныкъуэрэ зэрыщlэркъым.●

●Къаным и нэ уезыгъэбор былымщ.●

●Къызыхих ныкъуэ хъуркъым.●

●Къыптекlуэ лъэшщ.●

●Къратыр и lусщ, есыхьыр и мафlэщl. (Зыри зылъэмыкl хьэрычэтыншэм хужаlэ.)●

●Къуалэр лы щигъуэтым щохъуарзэ, уэркъыжьыр блым щигъуэтым щопсых.●

●Кlэкъинэ lэфlщ.●

●Лэгъупыр нэкlэ къегъавэ. (Нэсауэ къулейуэ мэпсэу, жыхуиlэщ.)●

●Лъэкlамэ, зыкъригъэлъхунтэкъым. (Щхьэхынэ lейм хужаlэ.)●

Лъхукъуэлl нысэ зыгъэ-зыщlщ, дыжь джэдыгур зы щlымахуэщ.●

Молэ мин зы мащэ, факъырэ щий зы lэнэ.●

Молэм «жытlэр фщlэи, тщlэр фымыщlэ» жыхуаlэм хуэдэщ. (Мыхъумыщlэ зымыдапхъэм езым щищlэм деж ауаныщlу хужаlэ.)●

●Мыгъуэм и кlапсэр бейм егъэлажьэ.●

●Мыгъуэр мыгъуэщlкъым, ищlыр тэджыжкъым.●

●Мыунэ-мыунэхъу, жэщ хъумэ пхъэдыгъу.●

●«Нанэ и лlыу, дадэ и lунэ» жиlэурэ зэригъэуlуащ.

(Гугъу дехьурэ ерагъыу зэригъэпэщащ, жыхуиlэщ.)●

●Насып зимыlэм и дзэр хъудырым lуещыкl.●

●Насып зиlэм шыlэ иlэщ.●

●Насыпыншэм магъшэм тесми хьэ къодзакъэ.●

●Насыпыр щагуэшым дурэшым дэсащ.●

●Нэгъуеипщ нэхъей, и закъуэ мэшхэж.●

●Ныбэщlэубзэ lуэхутхьэбзащlэщ.●

●Пшагъуэр, дыгъужьыр, уэркъыжьыр, ялыхь, сумыгъэлъагъу – жиlащ.●

●Пщы зыфlэпщым пщылl къыпфlещ.●

●Пщы зи щпэлъагъум тхьэ щохъу.●

●Пщым и шхын шындырхъом къекlэцl. (дэнэ кърахми къыхуэмыгъуэту хъунукъым, жыхуиlэщ.)●

●Пщым и щlыб джатэ щагъэдалъэ.●

●Тхьэмыщкlагъэм сынокlуэ жиlэркъым.●

●Тхьэмыщкlэ динщlэкъущ.●

●Тхьэмыщкlэм и псалъэ тlэу жыlэщ.●

●Тхьэмыщкlэм и фэр lувщ. (Гугъехь куэд и фэм докl, ешэч, жыхуиlэщ.)●

●Тхьэмыщкlэм тхьэр хуэлъэщ.●

●Тхьэмыщкlит зэгъусэмэ, бей хуэдэу мэпсэу.●

●Тхьэр тебгащ, бгыр теуащ.●

●Уаерэ пщаерэ куэд якlуркъым.●

●Уэрэдус пщыпсэlухщ.●

●Уэркъ хабзэр дэгъэзеигъуэкlыхьщ.●

●Уэркъым и жьэ и щопщщ, ипщ хуэдэр и джатэщ.●

●Уэсэпс тхьэгъум зегъэшри, гъэш зимыlэр тхьэмыщкlэщ.●

●Удафэр фэм йокl.●

●«Уи адэр шхын щхьэкlэ лlащ» жаlэу щрахъуэным, «Игъуэту лlа?» - къажриlащ.●

●Уи lэшхылъэ нэбдзыфlэмэ, унэфl япхъу къыуатынщ.●

●Уипщ хьэхуэгъу-щыхуэгъу умыщl.●

●Улlэу упсэурэ нэхърэ, утхъэу урелlэ.●

●Урыс тхьэмыщкlэ и кхъуэлу зэрегъэзахуэ.●

●Факъырэ пэщмэн.(Тхьэмыщкlэ пагэм хужаlэу щытащ.)●

●Хабзэр сщэ щхьэкlэ, ирабзэр сlэщэлъкъым.●

●Хъанхэ я щlыб джатэ щагъэдалъэ.●

●Хьэзабыр хьэмбытlу ешэч.●

●Цlэ бжьакъуэм фlэсщ.●

●Щхьэ къуийм и лажьэ щхьэ псэум ищэркъым.

lэгу нэщl lэщl джафэщ.●

 

 

******************************************************************

Her hakkı saklıdır. Yayımlanan tüm dokümanlar Avrupa Çerkes Kültür Dernekleri Federasyonu izniyle ve kaynak gösterilmek sureti ile iktibas edilebilir.

Alle Rechte vorbehalten. Die Verwendung aller Dokumente ist nur mit Erlaubnis und Quellenangabe der Föderation der Tscherkessischen Kulturvereine in Europa gestattet.

 © Föderation der Tscherkessischen Kulturvereine in Europa

 

 

 

 
  24193 Besucher